ACU ta e koöperativa di spar i krédito pa Kòrsou, St. Maarten, Aruba i islanan BES. Ora bo bira miembro di ACU bo por probechá di tur sorto di fasilidat i posibilidat ku por benefisiá bo finansieramente. ACU ta brinda bo un eskoho amplio di fasilidatnan pa spar, ku porsentahenan di interes atraktivo. Fuera di esei, komo miembro di ACU, bo tin e posibilidat pa hasi fiansa ku kondishonnan faborabel.

Riba e website aki bo ta haña informashon tokante sparmentu i krédito na ACU i tambe tokante e otro fasilidatnan pa miembronan di ACU. Pa medio di e website bo por download formularionan tambe, entre otro e formulario di inskripshon pa miembronan nobo i e formulario di petishon pa fiansa.

ACU ta pa henter famia
ACU no t’ei pa su miembronan so, pero tambe pa resto di famia:

• Kada aña nos ta organisá un interesante biahe edukativo i kultural;
• Bo yunan, pa medio di e programa di spar Abeguitu  PLÙS, por sera konosí for di chikí ku e bentahanan di sparmentu;
• Nos lista di deskuento ta konsistí di un gran kantidat di nogoshi i instansha, asina ku henter e famia ta probechá di esaki.

Bo ke haña mas informashon?
Bo ke haña mas informashon tokante ACU i tur e posibilidatnan i fasilidatnan pa miembronan di ACU? Bo ta semper bon biní pa bin sera konosí ku nos, sin ningun obligashon, na nos kantor.