2012 Aña Internashonal di Kooperativa
Nashonnan Uní a deklará aña 2012 komo Aña Internashonal di Kooperativa; a hasi esaki konosí den un komunikado ku ta data dia 29 di desèmber 2009.
E Konsehero Mundial di Kooperativanan (World Council of Credit Unions – WOCCU) ta aploudí e
inisiativa aki di Nashonnan Uní. E Asamblea General a vota unánimamente pa deklará aña 2012 komo e Aña Internashonal di Kooperativa. E deklarashon aki ta rekonosé e importansha ku tur tipo di kooperativa inkluyendo kooperativanan di Spar i Krédito tin den duna fortalesa i sosten na ekonomia global i desaroyo sosial. Sigun Pete Crear, presidente i CEO di WOCCU,
rekonosementu di Nashonnan Uní tambe ta duna forsa na e movementu global di kooperativa. “Dor di rekonosé e balor ku kooperativanan tin den desaroyo sosial, Nashonnan Uní ta honra e trabou ku ya nos a hasi. Di otro banda, e deklarashon tambe ta enserá un reto pa hasi kooperativanan tin mas influensia i ta mas efektivo den e trabou ku nos lo hasi den futuro.” E deklarashon di Nashonnan Uní ta enkurashá tur pais ku ta miembro i organisashonnan ku ta “stakeholder” pa duna sosten na kooperativanan dor di duna mas informashon pa hasi personanan den e diferente komunidatnan mas konsiente tokante e funshon ku kooperativanan tin den “desaroyo duradero, eliminashon di pobresa i sosten na vários sektor di ekonomia tantu den suidat komo den kampo.” Ademas e deklarashon ta enkurashá gobièrnunan pa krea ambientenan hurídiko i sosial ku tin e abilidat pa promové desaroyo di kooperativa “dor di proveé un espasio kaminda tin kompetensia sano entre kooperativanan i otro kompanianan i empresanan sosial.”
inisiativa aki di Nashonnan Uní. E Asamblea General a vota unánimamente pa deklará aña 2012 komo e Aña Internashonal di Kooperativa. E deklarashon aki ta rekonosé e importansha ku tur tipo di kooperativa inkluyendo kooperativanan di Spar i Krédito tin den duna fortalesa i sosten na ekonomia global i desaroyo sosial. Sigun Pete Crear, presidente i CEO di WOCCU,
rekonosementu di Nashonnan Uní tambe ta duna forsa na e movementu global di kooperativa. “Dor di rekonosé e balor ku kooperativanan tin den desaroyo sosial, Nashonnan Uní ta honra e trabou ku ya nos a hasi. Di otro banda, e deklarashon tambe ta enserá un reto pa hasi kooperativanan tin mas influensia i ta mas efektivo den e trabou ku nos lo hasi den futuro.” E deklarashon di Nashonnan Uní ta enkurashá tur pais ku ta miembro i organisashonnan ku ta “stakeholder” pa duna sosten na kooperativanan dor di duna mas informashon pa hasi personanan den e diferente komunidatnan mas konsiente tokante e funshon ku kooperativanan tin den “desaroyo duradero, eliminashon di pobresa i sosten na vários sektor di ekonomia tantu den suidat komo den kampo.” Ademas e deklarashon ta enkurashá gobièrnunan pa krea ambientenan hurídiko i sosial ku tin e abilidat pa promové desaroyo di kooperativa “dor di proveé un espasio kaminda tin kompetensia sano entre kooperativanan i otro kompanianan i empresanan sosial.”
