7 prinsipio kooperativista
1. Kòntròl demokrátiko dor di sosionan
Koperativanan ta organisashonnan kontrolá di un manera demokrátiko pa nan sosionan, kendenan ta partisipá aktivamente den definishon di e maneho i toma di desishon. E personanan selektá pa representá i atministrá e koperativanan, mester responsabilisá nan mes dilanti e sosionan. Den koperativanan e sosionan tin mesun derechi di vota.
2. Afiliashon habrí i boluntario
Koperativanan ta organisashonnan boluntario, habrí pa tur persona ku ta bin na remarke pa hasi uso di nan servisionan i ku ta dispuesto pa aseptá e responsabilidatnan ku ta bin na momentu ku nan bira un sosio, sin diskriminashon riba tereno sosial, polítiko, religioso, rasial òf di sekso.
3. Partisipashon ekonómiko di sosionan
Sosionan ta e doñonan. Komo tal nan ta kontribuí na e kapital di e koperativa i ta kontrolá esaki. E echo ku e sosio ta hasi uso di e produkto i servisio di e koperativa ta dun’é mas benefisio ku ora e ta nada mas invertí kapital den e organisashon.
4. Outónomo i independiente
Koperativanan ta organisashonnan outónomo i independiente, kontrolá pa nan sosionan. E koperativa ta di e sosionan i no di akshonistanan. Esaki ta hasi kada sosio, doño di e organisashon. Dado kaso koperativanan drenta akuerdo ku otro organisashonnan, òf si nan optené kapital for di fuentenan eksterno, ta hasi esaki basá riba kondishonnan ku ta sigurá kontròl demokrátiko di e sosionan i ku ta mantené e koperativa su outonomia.
5. Edukashon, formashon i informashon
Koperativanan ta brinda edukashon i formashon na nan sosionan, na nan lidernan skohé, gerente i empleadonan, pa asina nan por kontribuí efektivamente na desaroyo di e koperativanan. Nan ta informá públiko en general, inkluso hóbennan, lidernan di komunidat i medionan di komunikashon, enkuanto e aspekto, kultura i benefisionan di koperativa.
6. Koperashon entre koperativanan
Koperativanan ta sirbi nan sosionan efektivamente i ta fortalesé e movementu koperativista dor di traha huntu riba strukturanan lokal, nashonal, regional i internashonal.
7. Sosten na komunidat
Koperativanan ta traha pa logra un desaroyo duradero pa nan respektivo komunidat mediante un maneho i programa aprobá pa sosionan. Rònt mundu miembronan di koperativanan ta traha boluntariamente pa tur sorto di karidat.
Koperativanan ta organisashonnan kontrolá di un manera demokrátiko pa nan sosionan, kendenan ta partisipá aktivamente den definishon di e maneho i toma di desishon. E personanan selektá pa representá i atministrá e koperativanan, mester responsabilisá nan mes dilanti e sosionan. Den koperativanan e sosionan tin mesun derechi di vota.
2. Afiliashon habrí i boluntario
Koperativanan ta organisashonnan boluntario, habrí pa tur persona ku ta bin na remarke pa hasi uso di nan servisionan i ku ta dispuesto pa aseptá e responsabilidatnan ku ta bin na momentu ku nan bira un sosio, sin diskriminashon riba tereno sosial, polítiko, religioso, rasial òf di sekso.
3. Partisipashon ekonómiko di sosionan
Sosionan ta e doñonan. Komo tal nan ta kontribuí na e kapital di e koperativa i ta kontrolá esaki. E echo ku e sosio ta hasi uso di e produkto i servisio di e koperativa ta dun’é mas benefisio ku ora e ta nada mas invertí kapital den e organisashon.
4. Outónomo i independiente
Koperativanan ta organisashonnan outónomo i independiente, kontrolá pa nan sosionan. E koperativa ta di e sosionan i no di akshonistanan. Esaki ta hasi kada sosio, doño di e organisashon. Dado kaso koperativanan drenta akuerdo ku otro organisashonnan, òf si nan optené kapital for di fuentenan eksterno, ta hasi esaki basá riba kondishonnan ku ta sigurá kontròl demokrátiko di e sosionan i ku ta mantené e koperativa su outonomia.
5. Edukashon, formashon i informashon
Koperativanan ta brinda edukashon i formashon na nan sosionan, na nan lidernan skohé, gerente i empleadonan, pa asina nan por kontribuí efektivamente na desaroyo di e koperativanan. Nan ta informá públiko en general, inkluso hóbennan, lidernan di komunidat i medionan di komunikashon, enkuanto e aspekto, kultura i benefisionan di koperativa.
6. Koperashon entre koperativanan
Koperativanan ta sirbi nan sosionan efektivamente i ta fortalesé e movementu koperativista dor di traha huntu riba strukturanan lokal, nashonal, regional i internashonal.
7. Sosten na komunidat
Koperativanan ta traha pa logra un desaroyo duradero pa nan respektivo komunidat mediante un maneho i programa aprobá pa sosionan. Rònt mundu miembronan di koperativanan ta traha boluntariamente pa tur sorto di karidat.
